مقالاتمقالات الرأي

ماذا كتب الثائر عبدالحميد الشحنة “أبو عروبة” عن كفرزيتا؟

مكتب حماة الإعلامي ( بشار الأحمد)

كتب عضو مكتب حماة الإعلامي الناشط عبدالحميد الشحنة “أبو عروبة” على جداريته على برنامج فيسبوك اليوم “الخميس”:

“كفرزيتا يلي جمعت حشود كبيرة بالمظاهرات السلمية و يلي كانت من أوائل المدن يلي انقصفت بالبراميل من 2012 ما وقف القصف عنها و اليوم العادي الروتيني كان بيشهد خمس براميل و شي غارتين حربي على كمشة صواريخ راجمات و الناس عم تقضي أيامها بشكل طبيعي
كفرزيتا يلي سكنتها سبع سنين و لا مرة ضاق خلقها من ثائر
كفرزيتا هي المدينة يلي خيرها النظام بين إخراج مقرات الثوار الغرباء عن كفرزيتا و وقف القصف فاختارت مقرات الثوار و ما قالت لثائر اطلع برا بالوقت يلي كان كتير مدن تانية ينمغصو سكانها لما يشوفو واحد لابس بنطلون مموه و يحملوه مسؤولية القصف بعد سنة”

“كفرزيتا يلي أي حدا ما معو يدفع أجار بيت بالشمال كان يختار أجمل بيت و يسكن فيه بعفشو و أغراضو ببلاش
كفرزيتا يلي وقف فيها عبد الستار خليل ابو محمد يلي ساكن ببيتو المقصوف و عندو شهيدين و صاح بالطيارات اقصفي بيوتنا و لا تقصفي الثوار على الجبهات”

“كفرزيتا يلي ياسمينها و ليمونها بيتحدى اكوام الأسمنت المهدم و بيطلع بزهر بكل ربيع”

“كفرزيتا يلي بتكون الطيارة عم تقصف بحارة و بالحارة التانية الشباب على عامود الكهربا عم يوصلو الاكبال المقطوعة بقصف سابق و يلي يمكن بعد نص ساعة تقصفها الطيارة و تنقطع مرة تانية”

“كفرزيتا يلي واقفة على شفير الجبهات و الخنادق وشبابها بيلعبو كرة القدم و كرة الطائرة بساحاتها”

“كفرزيتا يلي صارت وطني لأن أهلها بعوضوك عن اي حدا بتفقدو”

“كفرزيتا الجورة و الحارة الشمالية و القبلية و الرابية و الجوادة و طريق الصياد و دوار الزكاة و الخربة”

“كفرزيتا الرجب و الرجو و المعيوف و العموري و الخابور و النعسان و البكور و الحوشان و الحموية و المصطفى و الأعرج و الخليل و الهكا و اللبن و كل الوجوه يلي بتستقبلك ببسمة”

و ختم بقوله : “كفرزيتا يا قلعتنا الثورية قاومي كل مخططات العالم القذر و علمينا كيف الحجر ألو روح و بيصمد للرمق الأخير”

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock